جنوري 22, 2021

د بین الافغاني خبرو په طرزالعمل موافقه رغنده ګام دی!!

د بین الافغاني خبرو په طرزالعمل موافقه رغنده ګام دی!!

د ورځي خبره:

تیره ورځ داسلامي امارت دسیاسي دفتر ویاند داخبر او پرمختیا له رسنیو سره شریکه کړه چې داسلامي امارت او افغاني جهتونو ترمنځ له اوږدو مباحثو او خبرو اترو ورسته بالاخره د بين الافغاني خبرو اترو په ۲۱ مادییزه طرزالعمل باندې هوکړې او موافقه وشوه
که څه هم د کابل ادارې له خوا په دې اړه په څرګند ډول غبرګون مخې ته نه دی راغلی؛ خو قطر ته د افغان سياسي جهتونو په نمايندګۍ د تللي هيئت وياند «نادر نادري» منلې چې په مجموع کې په طرزالعمل توافق شوی؛ خو مقدمه باندې يو څه نور بحث ته هم اړتيا ده.

داسې ښکاري چې کابل ته د مقابل جهت د مذاکراتي هيئت د مشر له سفر وروسته د کابل ادارې مشرانو ددغه توافق سره مخالفت ښودلی او يو ځل بيا غواړي، چې د سولې پروسې پر وړاندې یولړ خنډونه ايجاد کړي.

هغه مهال، چې په دوحه کې اسلامي امارت امريکا سره له افغانستان څخه د ټولو امريکايي ځواکونو د ايستلو توافقنامه لاسليک کړه، کابل ادارې او د دوی ډنډوره چیانو د ملت غولونې لپاره داسې اوازې خپرې کړې، چې ګواکي طالبان بهرنيانو سره تر توافق وروسته د داخلي بعد لپاره سياسي حل ته ژمنتيااو چمتوالی نه لري.

خو د بين الافغاني مذاکراتو پر طرزالعمل توافق، دغه ډول ګنګوسې درواغجنې اوبې اساسه ثابتې کړې او څرګنده يې کړه چې اسلامي امارت تر هر چا زيات هيواد ته د سولې راوستلو او دیوه سوچه اسلامي نظام قیام لپاره ژمنتيا لري.

Related posts