جون 25, 2021

مکاردښمن دسولې دسبوتاژ لپاره له یوه جنایت اوتراژیدۍ څخه هم مخ نه اړوي !!!

مکاردښمن دسولې دسبوتاژ لپاره له یوه جنایت اوتراژیدۍ څخه هم مخ نه اړوي !!!

د ورځي خبره:

پرون د کابل لویدیځ دشت برچې کې چاودنې او پرلپسي راکټي بریدونو د دیارلسمې امنیتي حوزې اړوند د سیدالشهدا د اُناثولیسې ګڼ شمېر زده کونکې اومعلمې د معلومو استخبارتي بانډ او مغرضوکړیو له لوري هدف وګرځیدې اوشاوخوا سل تنه زمونږ ملکي وګړي یې په خپلو وینو کې ولمبول
دا لومړی ځل نه ده چې د کابل ښار په حساسو نقطو کې چې ګام په ګام د کابل د مفسد او قاتل رژیم ترامنیتي پوښښ لاندې دي په خاص ډول تعلیمي مراکز تربرید لاندې نیول کیږي
د افغانستان اسلامي امارت اعلان کړه چې دغه ورستی برید په کلکو ټکو غندي اودا جنایت یې د کابل د ظالم اوناترسه ادارې هغه ورستۍ حربه او سازمان شده شیطاني کړنه وبلــــــله چې هڅه کوي د سولې لاسته راغلی فرصت سبوتاژ کړي اوپه ځانګړي ډول د امریکایي عسکرو د وتلو لړۍ ترپوښتنې لاندې ونیسي اونړۍ ته وښیي که خارجي قواوې له افغانستان څخه ووزي؛ نو د دوي په خبره به افغانان له دغسې مرموزو پیښو اوترینګلوحالاتوسره مخ کیږي!!
وړمه ورځ د کابل ادارې مشر په خپله یوه بزدله وینا کې د کابل اونورو ښارونو په اصطلاح مدني فعالان، مطبوعات او سیاستوال وهڅول ترڅو داعتراضونو اوتحرکاتوپه ترڅ کې غرب او اروپایان د طالبانوپه مقابل کې یوځل بیا راوه پاروي چې هغوي د ښځو ازادۍ او حقوقو مساوات ته ژمن نه دي نو باید له هغوي سره د سولې په روان جریان له سره غور وشي.
د اشرف غني د غوڅرګندونوته په کتلو د کابل د پرونۍ ورځې د اُناثوپه لیسه چاودنه اومخامخ راکټي بریدونه له شک پرته د دې شیطاني برنامې د اثبات لوی او ژوندی دلیل وړاندې کوي چې کابل رژیم غواړي د سولې پروسه تخریب کړي اودنیا ته وښیي چې طالبان د ښځو له حقوقو او تعلیم سره ضد اومخالفت لري
له بل لوري د کابل د برچي لیسي د برید مسؤلیت که څه هم داعش په غاړه واخیست؛ خواس لکه د لمر روښانه اوبرملا ده چې داعش عملاً د کابل رژیم د ملي امنیت خاص جزتامونه اوملېشې دي چې تیرکال یې له ننګرهار او وړم کال له شمال څخه د اسلامي امارت د تصفیوي عملیاتو په مهال په ځانګړو چورلکو کې کابل ته یووړل ترڅو د دشت برچي په څېرغمونکي تراژیدي ورباندي تطبیق اومذهبي تفرقو ته لمن ووهي.

Related posts