جون 25, 2021

د البیروني پوهنتون پر استاذانو د ناوړه برید په هکله د ا. ا. ا. د عالي تحصیلاتو د ادارې اعلامیه!

د البیروني پوهنتون پر استاذانو د ناوړه برید په هکله د ا. ا. ا. د عالي تحصیلاتو د ادارې اعلامیه!

د افغانستان اسلامي امارت د عالي تحصیلاتو اداره د پروان ولایت د بګرام ولسوالۍ په مربوطاتو کې د البیروني پوهنتون د سپرلۍ په موټر ترسره شوې چاودنه او دې ته ورته بریدونه په کلکو ټکو غندي او د پوهنتونونو په استاذانو، علمي شخصیتونو او محصلینو باندې دا ډول بې رحمه بریدونه د هېواد په ملي ارزښتونو او علمي شتمنیو باندې بریدونه بولي.

دا چې په ټول هېواد کې په غلام دښمن د ژوند کړۍ ورځ تر بلې تنګیږي او د خپلې بقا او پایښت خوبونه په دا ډول بریدونو کې ويني، تر څو له یوې خوا په ملت کې وېره خپره کړي او له بلې خوا د مجاهدینو په وړاندې حساسیتونه را وپاروي.

په پای کې د الله رب العزت له سپېڅلي دربار څخه د نوموړي برید شهیدانو ته عالي درجات، کورنیو ته یې جميل صبر او ټپیانو ته یې د عاجلې شفا غوښتنه کوو.

والسلام
د عالي تحصیلاتو اداره
۱۷ / شوال المکرم / ۱۴۴۲ هجري قمري
۸ / جوزا / ۱۴۰۰ هجري لمریز

Related posts